(NLTimes)—Dokternan ainda ta oponiendo un propuesta pa haci eutanasia posibel pa hendenan grandi cu ta sinti cu nan a biba un bida rico. Koninklijke Nederlandsche Maatschappij tot bevordering der Geneeskunst (KNMG) ta bisa cu ainda tin demasiado riesgo pa hende den un posicion vulnerable.
Partido D66 a entrega un legislacion di “bida completa” den november. E legislacion ta bisa cu hendenan di 75 aña bay ariba por dicidi pa trece un fin na nan bida ora nan haya e deseo di no sigui biba. Cu e asistencia di un profesional nobo, e consehero di fin di bida, nan por haci esaki.
Usualmente tin problemanan complica tras di e ideacion di suicidio den hendenan grandi, KNMG ta adverti. Nan ta menciona problemanan manera soledad, depresion, isolacion social, problemanan financiero of un posicion socioeconomico debil.
E federacion di dokter ta bisa cu mester mas atencion riba e asuntonan aki. “E facilitacion di suicidio pa hendenan grandi den un posicion vulnerabel no ta manera deseable ni responsable.” E limite di edad tambe ta un preocupacion pa KNMG, como cu e a manda un señal
cu bida pa hendenan grandi ta bale menos compara cu hendenan mas jong.” KNMG a expresa criticanan similar tocante un propuesta den pasado.
