(NLTimes)—Tin un aumento di 50% den e cantidad di admision den cambernan di emergencia relata na mucha y hende muhenan cu ta comete “self-harm”, esta duna nan mes herida, segun De Volkskrant. E edad di e pashentnan ta varia entre 10 pa 30 aña, a ser evalua di a haci intento pa suicio, of a causa heridanan serio na nan mes intencionalmente.

Tabatin 4,000 caso envolviendo hende muhenan hoben y muchanan muhe adolescente na 2013. Esey a subi pa 6,000 na 2022, segun investigacion pa VeiligheidNL, cual ta bao encargo di 113 Zelfmoordpreventie. Lider di dokter di emergencia, David Baden, a calcula cu 75% di caso ta en berdad intento di suicidio, mientras cu 35% por ser un intento pa haya ayudo. No tabatin un aumento similar entre pashentnan masculino, manera e corant a nota.

Un estudio separa for di Utrecht University y e Trimbos Instituut a descubri cu 47% di mucha muhe entre 12 y 16 aña di edad frecuentemente ta preocupa, ansioso of infeliz. E sentido di preocupacion of desesperacion a afecta 14% di mucha homber, pa compara. E encuesta di 4,800 studiante a ser conduci na 2022. Cinco aña prome, e grado di mucha muhe tabata 29%.

Mucha muhenan adolescente y hende muhe hoben tin mas chens pa haya nan mes na centro di emergencia debi cu nan a causa daño na nan mes. Aproximadamente 2,800 caso asina a rekeri hospitalisacion despues di un tratamento den camber di emergencia den 2022 so.

“E alarmanan ta bisa cu algun hoben ta bayendo asina malo cu nan ta tuma accion,” segun Arne Popma den un entrevista cu De Volkskrant. “Desafortunadamente, e cifranan ta fit e trend,” e profesor di psikiatria infantil y hubenil na Amsterdam University Medical Center a conta e corant.

Tambe tin un aumento preocupante den overdosis intencional entre muchanan di 13 pa 17 aña di edad. E porcentahe di casonan envolviendo mucha muhenan ta 84%, segun data for di e centro di investigacion di veneno NVIC. Tin bes tin intentonan pa suicidio, y tin bes tin yamado pa ayudo.

E edad den cual mucha muhenan ta demostra comportamento di self-harm ta birando mas jong tambe, segun investigado na Vrije Universiteit Brussels, Imnke Baetens. “E edad tabata rond di 14 aña, pero awo nos ta sigui mira casonan di muchanan di 11,12,13 aña,” el a agrega. “Nos hipotesis ta cu esaki ta conecta na e hecho cu hobennan ta cuminsa uza red social na un edad mas y mas jong.”

Un rapport publica aña pasa tambe a descubri cu hende homber di edad medio tin mas chens di comete suicidio, segun e operadornan di telefon pa prevencion di suicidio Hulandes, 113. Aunke hende muhe y mucha muhe tin mas chens pa sufri cu depresion y sintomanan similar, hende homber tin mas chens pa uza metodonan violento ora nan tuma nan mes un bisa, manera Saskia Mérelle di 113 Zelfmoordpreventie a bisa.