(NLTimes)—Un ley legalmente garantisando acceso liber na hotline di prevencion di suicidio y cu tambe ta apunta e responsabilidad pa reduci e cantidad di suicidio oficialmente riba e gobierno tin chens pa haya un apoyo mayoria den parlamento Hulandes. E ley di ChristenUnie ya caba tin e apoyo di 71 di e 150 parlamentario, y ta anticipa cu mas partido lo vota en fabor, NOS ta reporta.
Segun lider di ChristenUnie, Mirjam Bikker, liña di prevencion 113 a demostra di preveni intentonan di suicidio. Su continuo existencia no por ta dependiente riba e problemanan politico di tur dia, y p’esey e financiamento mester bira un tarea legal, el a conta e locutor.
E ley tambe ta bisa cu gobierno lo aloca un total di 10 miyon euro pa aña na e municipionan Hulandes pa desaroya politicanan pa prevencion di suicidio. E municipionan por dicidi pa nan mes con pa utilisa e placa. por ehempel, por medio di inverti den resolvimento di e problemanan financiero di pashentnan den sufrimento of pone cura rond di e crusadanan di rail cual sa ta sitionan di suicidio.
Tur dia, aproximadamente cinco hende ta tuma nan mesun bida na Hulanda. Varios dies miles di hende ta haci un intento pa tuma nan mesun bida cada aña. “Mi ta kere ta importante pa nos tin un politica pa reduci e cantidad ey,” Bikker a bisa. “E hecho cu hende ta asina desespera y no ta mira un otro caminda afo ta terible. Pa nan, pero tambe pa e famia cu nan ta laga atras.”
E legislacion ya tin e apoyo di ChristenUnie, CDA, GroenLinks-PvdA, SP, SGP, 50Plus, NSC, BBB y PvdD. Esey ta conta pa 71 di e 150 asiento den parlamento.
