(AP) – E homber acusa di a fatalmente herida rapper di Migos Takeoff aña pasa na Houston a ser formalmente acusa di asesinato, segun recordnan di corte.
Patrick Xavier Clark su libertad tabata balora na 1 miyon dollar ora cu hurado na Houston a acusa su persona formalmente diahuebs. Letitia Quinones-Hollins a bisa cu e asucacion formal no ta algo cu nan no tabata spera. “Ora cu bo ta drenta corte y bo ta dilanti hurado, unda bo lo por pone bo evidencia den examinacion y examina e estado su testigonan, bo ta spera cu hurado lo bini bek cu un veredicto di inocente,” el a comenta den un declaracion.
Takeoff a ricibi tiro den cabes y lomba mientras mas di 30 persona tabata saliendo for di un fiesta priva rond di 2:30 di mainta dia 1 di november. Polis di Houston a bisa cu e tiro a bini despues cu a los tiro causa pa un “desacuerdo” pafo di e sitio, unda e rapper no tabata involura y tabata “un inocente den presencia di e discusion.”
Clark, ken tabata un DJ y promotor di clubnan nocturno a keda aresta dia 1 december. Autoridadnan a acusa cu e video a mustra cu Clark tabatin un boter di biña den un man ora cu el a los tiro. Tambe a haya fingerprint di CLark riba e boter cu a ser usa pa identifica su persona. Fuentenan di FBI tambe a señala na Clark como un persona presente na e tiroteo segun polis.
Quinones-Hollins a nenga e acusacion cu Clark a purba di sali for di e pais despues di e tiroteo.
Naci como Kirsnick Khari Ball, Takeoff tabata e miembro mas hoben di e trio Migos, e trio gañado di Grammy cu su tio Quavo y amigo cercano Offset.
