(NLTimes)—E municipio di Den Haag ta adopta medidanan nobo pa huurdonan di hogarnan priva pa haci’e mas facil pa nan por biba mas sostenibel. Te awo, ta dificil pa huurdonan aborda e asunto di isolacion, por ehempel, pasobra nan ta depende riba e decisionnan di e propietario. Den casonan teribel, huurdonan mester paga e costo halto di coriente, segun Omroep West a reporta.
Cuminsando september di aña ki, e medidanan di e municipio lo tuma efecto pa huurdonan priva. Esaki ta danki na e propuesta di iniciativa di Partij voor de Dieren, cual a wordo aproba pa un mayoria grandi di e partidonan politico den e Conseho di e ciudad.
Segun Robert Barker, lider di e partido, e meta ta pa “e municipio yuda huurdo cu pagonan,” el a conta Omroep West. Esey ta pasobra normalmente, mayoria huurdo no tin otro opcion cu lanta caso contra e propietario si esaki no kier coopera den locual ta encera sostenibilidad. Pero pa mayoria, esaki nifica mas gastamento di placa, tempo y documentonan fastioso.
Pero cuminsando e aña aki, e municipio di Den Haag ta tumando accion contra esaki y ta bay, por ehempel, cubri e costonan legal si huurdonan dicidi di lanta caso contra e propietario di cas si esaki nenga di haci nan hogar mas sostenibel. Segun e corant, e municipio ta poniendo 183.000 euro na banda pa e proposito aki.
E stap aki ta diseña pa yuda hende sinti nan mes scucha ora nan ta promove pa mas acomodacion sostenibel, segun Partij voor de Dieren. “Esaki ta duna huurdonan mas poder y nos ta yuda nan pa ta mas sostenibel. Esaki ta bon pa e cartera, pero tambe pa e clima, Barker a conta Omroep West.
