IDEA (Desaroyo pa Empresa Arubano) un unidad di Departamento di Asuntonan Economico, Comercio y Industria, ta organisando un tayer hopi interesante pa tur persona cu tin hopi energia incluyendo pensionado y cu ta desea pa sigui uza nan carera y experiencia di bida den nan mes un negoshi.

Tema di e tayer: “Silver Entrepreneurship part II”

Workshop for the retired or soon to be retired

Despues di un siman di e tayer exitoso di “Silver Entrepreneurship” den e luna di juni 2019, nos a  dicidi di organisa un segundo parti di “Silver Entrepreneneurship Part II” workshop.

E tayer aki lo duna algun tips of contestanan ariba algun preguntanan cu hopi biaha un persona sa puntra su mes ora cu e ta yegando su bunita edad di pensioen manera:

kico pa bay haci awo of con pa bay sigui awo of kisas ta den duda si ta bezig cu un negoshi of hobby y banda di esaki kier sigui update su mes cu tecnologia y innovacion.

Diferente profesional den diferente ramo lo presenta tayer y trece e siguiente temanan na papiamento dilanti:

  • Qredits Aruba lo presenta; “Microcredit, an opportunity for you to be entrepreneur”;
  • Departmento di Labor y Investigacion (DOA) lo presenta;                                                                       “Get up to date with the Employment Law obligations as an employer”;
  • y Loui Henri Media Services VBA lo presenta; “Social Media Marketing for Startups”.

E workshop ta completamente gratis y ta tuma luga dialuna, 23 september, di 9:00 a.m. pa 12:00 p.m na Departamento di Asuntonan Economico, Comercio y Industria. na Sun Plaza, di dos piso, sala # 25.

Personanan cu ta desea di participa por bel pa registra nan mes na IDEA, Louella Croes of. Judella Trim na telefon #: 521-2439/ 521-2440/ 521-2400. Of manda un email na l.croes@deaci.aw.

No tarda pasobra e cupo ta limita, nos ta warda bo!

 

LEAVE A REPLY

Please enter your comment!
Please enter your name here