refugadio 2 (1).jpg

Bon Dia Aruba a ricibi informacion cu un parti di e 20 hombernan riba e boto cu Kustwacht a intercepta, ta pidi pa keda na Aruba como refugiado.

 

Diamars Kustwacht na Aruba a mira riba radar un actividad banda zuid di Baby Beach. Nan a informa e boto Panter cu a sali hunto cu un Superrhib y asina topa riba un boto cu 20 hende homber abordo. Nan tabatin e nacionalidad Venezolano, Colombiano y Peruano.

Autoridadnan a detene e capitan hunto cu un tripulante bou sospecho di traficacion di hende. 10 persona, inclui e sospechosonan, a bay warda di polis San Nicolas. E resto a bay cera na Warda Nos Costa.

 

Ayera Bon Dia Aruba a ricibi informacion cu parti di e grupo a dicidi cu nan kier keda como refugiado na Aruba. Esaki ta nifica cu Aruba no por manda nan bek te ora a tuma un decision oficial riba nan posicion. Como cu refugiado segun tratado internacional, bo tin derecho di keda mientrastanto un investigacion lo tuma luga pa determina si bo tin realmente derecho riba e status di refugiado.

 

LEAVE A REPLY

Please enter your comment!
Please enter your name here