.JPG "aruparking (1).JPG")
Den e conferencia di prensa unda prome minister Mike Eman a reacciona riba e retiro di Otmar Oduber, e tambe ta anuncia cu lo reduci e tarifa di parkeermeter entrante 7 november.
Sr. Eman ta splica cu su gabinete tabatin e plan caba pa algun ahustacion pero no por haci esaki anteriormente pa motibo di conflicto di interes. Segun e prome minister e asunto di parkeermeter ta algo cu e cu Otmar Oduber no tabata pensa riba e mesun liña. Awor cu el a sali for di e gabinete, nan por haci e cambionan. Entrante di dialuna awor lo introduci cambionan den parkeermeters en cuanto ta reduccion di pago riba cierto oranan y fechanan special.
Ta conoci cu desde momento cu gobierno a introduci e parkeermeternan den Playa, e comerciantenan ta keha cu nan entradanan a baha considerablemente. Otro paisnan manera Hulanda ya a cuminsa experimenta cu free parking pa motibo cu e centronan comercial no ta bay bon. Un di e motibonan ta cu mas hende ta cumpra productonan online, evitando asina tambe e pago di parkeer. Hopi centronan comercial ta kedando bashi y ta purbando di atrae e publico bek atrobe cu parkeo gratis.
.JPG&description=Reduccion+di+tarifa+parkeermeter){kind=link}