tres ilegal gara (4).jpg

Diabierna den oranan di marduga patruya di San Nicolas tabata man  yen un biaha mas. Motibo, den careda di 4’or of algo prome caba informacion ta drenta cu boto a drenta cu ilegalnan. Mes ora patruyanan a mobilisa pa e sitio, y ta logra detene tres homber. E persona nan aki ta laga sa cu nan ta ocho den total, y cu uno ta un hende muhe. E tres homber nan mes ora a wordo hiba warda, y otro patruya nan a keda busca pa e resto, pero no ta logra haya nan.

 

 

Scuridad sigur ta un hunga un papel importante den e ora ey, y tambe ta peligroso pa nos agentenan policial. Paso nos sa cu fuera di droga arma di candela tambe ta drenta eynan.

Loke nos por wak akinan ta cu algun dia pasa caba un boto a drenta, y no a bin haya niun hende, y no sa ni di ki ora e bota .Esaki kiermen cuanto hende ta drenta y cu kiko nan ta drenta niun hende sa, den e caso di e diabierna marduga aki tres a wordo gara, e otro cinco nan a huy y ta un caminda  scondi aki na Aruba.