IMG-20160616-WA0000 (1).jpg

Awe nochi cuminsando for di 7or di anochi na Jimmy’s Place, lo tin conmemoracion pa victimanan na Orlando. Na e ocasion lo para keto na e sucedido y bisa no na homofobia y odio contra comunidad LGBTI rond mundo

Desde diamars tabata bezig cu registro di condolencia pa tur e fayecidonan di e tiroteo den e club nocturno Pulse na Orlando, pa sostene e mayornan y famianan pero tambe e comunidad. E ta un manera pa personanan saca nan sentimentonan y pa yuda otro procesa e perdida. Despues e registro aki lo wordo manda pa Orlando tambe, como contribucion di no solamente e comunidad LGBTI na Aruba, pero tambe di tur cu ta sostene y henter comunidad di Aruba cu kier mustra nan sosten, segun Maikel Kelly presidente di fundacion ALFA. El a informa cu durante siman cantidad di personahe a probecha di e oportunidad aki y a pasa Jimmy’s Place y a laga nan firma atras, otro nan a laga poesia of a skirbi un mensahe. Tur hende cu ta sostene e causa aki ta bon bini na Jimmy’s Place awe nochi. Lo bay tin diferente persona cu lo duna speech y lo tin oportunidad pa publico presente tambe expresa su mes. E lo ta un anochi unda cu amor, lo purba kibra e odio cu tin.

 

LEAVE A REPLY

Please enter your comment!
Please enter your name here