Awe conmemoracion victimanan Orlando na Jimmy’s Place

IMG-20160616-WA0000 (1).jpg

Awe nochi cuminsando for di 7or di anochi na Jimmy’s Place, lo tin conmemoracion pa victimanan na Orlando. Na e ocasion lo para keto na e sucedido y bisa no na homofobia y odio contra comunidad LGBTI rond mundo

Desde diamars tabata bezig cu registro di condolencia pa tur e fayecidonan di e tiroteo den e club nocturno Pulse na Orlando, pa sostene e mayornan y famianan pero tambe e comunidad. E ta un manera pa personanan saca nan sentimentonan y pa yuda otro procesa e perdida. Despues e registro aki lo wordo manda pa Orlando tambe, como contribucion di no solamente e comunidad LGBTI na Aruba, pero tambe di tur cu ta sostene y henter comunidad di Aruba cu kier mustra nan sosten, segun Maikel Kelly presidente di fundacion ALFA. El a informa cu durante siman cantidad di personahe a probecha di e oportunidad aki y a pasa Jimmy’s Place y a laga nan firma atras, otro nan a laga poesia of a skirbi un mensahe. Tur hende cu ta sostene e causa aki ta bon bini na Jimmy’s Place awe nochi. Lo bay tin diferente persona cu lo duna speech y lo tin oportunidad pa publico presente tambe expresa su mes. E lo ta un anochi unda cu amor, lo purba kibra e odio cu tin.

 

You May Also Like

carlyle beach policy.JPG

Beach Policy lo evita aglomeracion di actividad acuatico

Sr. Carlyle de Coteau di e team di maneho di Departamento Maritimo di Aruba ...

Mayoria bendedo di klapchi cumpliendo cu regla segun Cuerpo di Bombero

Cuerpo di Bombero riba control di klapchi y consehonan pa e dianan nos dilanti. ...

Trinidad ya a publica na april riba composicion di tarballs

Mientras gobierno ta bisa cu nan no sa ainda kico ta e composicion di ...

Harmony Supermarket

Beslag riba mas placa bankeronan ilegal: 1,2 miyon florin

Den e caso di bankeronan ilegal husticia a pone beslag riba mas placa, esta ...

OM: ‘Percura pa paga impuesto y multa prome cu bay riba vacantie’

Pa medio di un comunicado di prensa, Ministerio Publico ta informa cu Afpakteam di ...

‘Ley riba cambio di votamento ta bay tin su prioridad’

E tema di cambio riba ley di votamento pa e politico cu mas voto ...