E imagen di e beisbolista di liga grandi Arubiano Xander Bogaerts a ser uza den un video di atletanan cu ta nengando pa bishita Presidente Mericano Donald Trump. E video ta splica cu pa motibo di racismo cu supuestamente lo ta ser propaganda pa Trump, atletanan color scur ta vociferando esaki, door di entre otro nenga di bishita e Presidente.
E dicho video aki a aparece awe mainta riba e pagina di Facebook yama AJ+, cual tin un poco mas cu 11 miyon di siguido. Segun e contenido di e video, aunke deporte ta algo cu normalmente ta apolitico, el a bira riparabel cu deportistanan ta vociferando nan mes contra di racismo y discriminacion. Como ehempel nan ta bisa cu e ekipo di Boston Red Sox pa cual Xander ta hunga pe, ta manda generalmente solamente hungandonan di color blanco pa haci e bishita na e Presidente. Esaki despues cu e manager di e ekipo hunto cu mas hungando color scur a nenga di haci tal bishita.
No ta conoci na nos redaccion si en berdad Xander mes lo a ricibi un invitacion pa haci un bishita na e Presidente Donald Trump, ni si tampoco e lo a nenga esaki. Den e dicho video tampoco ta menciona esaki. Por click riba e video pa wak esaki completo.
