IMF Spring Meetings 2019 ta andando na Washington

ORANJESTAD – Awe Minister di Finansa, Asuntonan Economico y Cultura a cuminsa cu reunionnan na IMF Spring Meetings 2019 na Washington. Minister Ruiz-Maduro a atende e prome forum, caminda a atende riba ‘Capacity Building,’ den cual ta indica con Paisnan ta tuma paso pa reenforsa nan institutonan.

Diferente pais ta brinda informacion kico nan a haci y ta haciendo riba e tereno aki y con IMF por yuda den esaki.

Segun e mandatario, na Aruba Gobierno tambe ta trahando riba esaki. Un bon ehempel ta e inversion cu a haci den e Departamento di Estadistica CBS pa asina por produci e Cuentanan Nacional pa Aruba 2013-2017 cu ta brinda informacion pa por tuma decicion na bienestar di nos pais. Cu e informacion aki, Departamento Economico por actualisa nan modelo macro economico MARUBA y asina por midi e impacto di cada decision riba nos economia.

E informacion aki ta importante tambe pa Banco Central cu por haci un miho pronostico di e crecemento economico di nosp. Tambe Ruiz-Maduro a reuni cu World Bank pa e posibel sosten tecnico, pa asina nos pais por traha riba e creacion y ampliacion di capacidad (capacity building) pa nos Aruba. Durante e siman lo sigui duna mas informacion y cu relato mas amplio di e reunionnan cu Ruiz-Maduro ta atendiendo.

Na e Spring Meeting aki ta participa mas cu 2800 delegado di paisnan cu ta miembro. Entre otro ehecutivo di banco, minister di finansa y desaroyo, parlamentario y ehecutivo di sector priva, academico y periodista pa discuti problemanan na interes mundial, perspectivanan economico mundial, eradicacion di pobresa, desaroyo economico y e efectividad di yudansa. Reina Maxima di Hulanda ta un di e oradornan pa e evento aki.

E mandatario lo participa na varios seminario, reunion informativo regional y hopi otro evento durante cual lo analisa y discuti varios temanan riba nivel di economia mundial, desaroyo internacional y sistema financiero mundial.

Ta importante pa Aruba reestablece e confiansa den e mundo financiero y pa esaki mester keda den contacto cu instancianan cu ta evalua nos sistema financiero y economico, manera IMF, Standard & Poor y Fitch. Cu e meta aki, Ruiz-Maduro ta mantene e contacto y haci e biahenan aki di trabou na bienestar di Pais Aruba.

 

You May Also Like

DHC buscando manera pa laga cera agencia di biahe ‘Mas Destino’

Mas keho ta drentando keto bay na Departamento di Asunto di Consumidor (DHC) di ...

No tin suficiente fondo pa mantencion di Parke Curason

ORANJESTAD – Bon Dia Aruba a acerca e directiva Parke Curason mirando cu ainda ...

ymca

YMCA ta ofrece curso pa cushina pa Beursalen

E paso cu studiantenan ta tuma pa bay studia afo ta uno grandi. Cu ...

Plasterk: Hulanda no ta mucho interesa den Aruba

Minister Ronald Plasterk di Hulanda encarga cu Asuntonan di Reino a bishita Aruba ayera ...

Cobransa di grondbelasting a causa reaccion y preocupacion

Directora di departamento di impuesto, Luenne Gomez-Pieters a reconoce cu e cobramento di grondbelasting ...

miriam dabian olimpiada y turismo.JPG

Olimpiada no lo tin mucho efecto pa Aruba su mercado Latino Americano

Brasil e aña aki ta sede di Olimpiada, pero directora di ATA pa Latino ...