Minister Dangui Oduber a haci bishita na basketball court na San Nicolas. E situacion di e luga ta hopi deplorabel.

E mandatario a anuncia algun tempo atras cu nan lo percura pa drecha e basketball court den Village na San Nicolas. Na momento cu a anuncia esaki awe por mira cu a cuminsa cumpli cu esaki. E trabou nan oficial a cuminsa pa asina percura pa tin miho infrastructura pa e muchanan y hobennan por hunga basket. Esaki ta saludabel pa e bario y pa tur e hoben nan cu ta gusta deporte pa nan haci algo sano durante dia. Minister Dangui Oduber cu ta minister di deporte ta sumamente contento cu por a anuncia esaki y cu pronto lo e keda cla pa e hobennan di San Nicolas tin un luga sano pa practica nan deporte.