Problemanan pa drumi por tin varios diferente motibo. Mayoria biaha, tin varios diferente factor ta hunga un rol den e causa pa e falta di por drumi.

Motibonan cu ta presenta frecuentemente
Preocupacionnan hopi biaha por ta un causa pa esaki. Por ehempel, den bo relacion, e situacion na cas of trabao. E preocupacionnan aki por ta involuntario, y pa causa di esaki e ta bira dificil pa bo por relaha.

Kehonan fisico manera dolor, tosamento of e mester di pishi anochi tambe por stroba bo soño anochi. Tambe problema di acides den stoma, batimento di curason, sodamento anochi of pianan cu no por stop di move.

Kehonan psicologico tambe ta un di e factornan cu ta bini dilanti frecuentemente. E kehonan psicologico por ta manera ansiedad of depresion, pues problemanan cu e salud mental.

Custumbernan

E siguiente custumbernan por causa e problemanan pa drumi of causa cu bo ta keda haya problema cu esaki.

Falta di tin un orario standard pa drumi y e falta di cumpli cu esaki por causa cu e problemanan pa drumi lo persisti manera por ehempel jetlag of trabao a base di shift. Tambe si bo drumi henter dia, bo ta haci cu anochi ora di drumi bo soño ta menos profundo.

E costumber di drumi demasiado trempan of lanta hopi laat tambe por causa problema pa drumi, of causa cu e problema aki keda persisti. Bebe cafeina, te, coca cola, bebida pa energia of chuculati tambe ta un factor pa motibo cu e bebidanan aki tin ingredientenan stimulante of cafeina, cual ta duna energia y por stroba e curpa pa haya soño. Tambe pa medio di bebe alcohol, anochi bo ta lanta cu mas frecuencia.

Si come un cuminda pisa anochi laat, por haya problema pa drumi pa motibo cu e cuminda ta tarda mas pa cuminsa digeri. Tambe e preocupacion continuo pa falta di drumi ta impedi cu e situacion ta mehora y ta causa cu bo ta drumi menos.

Trastorno di soño

Den cierto caso, e causa ta un trastorno di soño cual por causa cu henter dia ta sinti cu soño.

Causa di esaki por ta Apnea ora di drumi, cual ta ora cu bo respiracion ta stop de bes en cuando anochi. Tambe narcolepsia por ta un causa, cual ta ora cu durante e dia bo ta pega soño sin importa ki bo ta haciendo, pero anochi bo ta lanta mas frecuente. E sindrome un fase di soño atrasa, unda cu bo no ta logra crea un ritmo pa drumi of drecha esaki pa motibo cu te anochi laat bo por drumi, y mainta hopi biaha tin hopi soño. Pianan sin por para keto por ta un causa tambe pa motibo cu bo pianan no ta para keto.

Medicina

Benzodiazepine pa corto tempo

Benzodiazepine pa corto tempo, tambe conoci como ‘Kortwerkende slaapmiddelen’, ta traha pa medio di provee descanso, relahacion y haci e persona suf. Nan ta traha pa un tempo cortico y pa motibo aki ta ser usa mas tanto ora tin problema pa drumi. Ehempelnan di e medicina aki ta Midazolam (Dormicum, Temazepam, Zolpidem y Zopiclon.)

E medicamentonan aki pa drumi ta miho usa de bes en cuando y no pa un tempo largo y continuo. Cu uso continuo por genera adiccion of por keda depende riba e medicamento pa por drumi.

Aki na Aruba ta receta regularmente Bromazepam of Alprazolam. Esakinan no ta medicamento pa drumi, sino nan ta ser usa pa trata e strobamento causa pa ansiedad. Tambe na e medicamentonan aki ta conta e conseho y regla di no usa esaki pa tempo largo ni continuo. Si bo kier stop di usa e medicamentonan aki pa drumi of calma, bo boticario por yuda cu esaki, En realidad, Oxazepam y Lorazepam tampoco ta medicamento pa drumi.

Valeriaan

Valeriaan ta un medicina herbal. E tin un efecto calmante cu ta leve. Danki na e efecto aki bo por pega soño cu mas facilidad.

Blachi di strawberry y blachi di stengel

Blachi di strawberry cu blachi di stengel tambe ta un remedi herbal, E por ser usa ora cu ta experiencia problema pa drumi. Con precisamente esaki ta traha te ainda no ta conoci y tampoco tin comprobante cu e metodo aki ta efectivo contra e problemanan pa drumi.

Melatonina
Melatonina ta un hormona cu ta ser traha den e cerebro. Hende sa pensa cu melatonina tin i haber cu e ritmo biologico di ser humano. E creacion di e hormona aki ta cuminsa anochi. Bao influencia di luz, e creacion ta disminui. Melatonina ta ser usa pa pega soño.

LEAVE A REPLY

Please enter your comment!
Please enter your name here