Instruccion inminente pa gobierno di Corsou?

WILLEMSTAD — Tardi of tempran durante 2019, Corsou lo ricibi un instruccion (‘aanwijzing’) pa su maneho financiero, esaki segun e corant Vigilante, tabata expresion di presidente di Cft, prof. Raymond Gradus. Durante su mas reciente rueda di prensa, Gradus a admiti cu e parti organisatorio di maneho financiero gubernamental lo mester di mehoracion. Mal organisacion lo por ta e causa di e problemanan continuo di maneho financiero na e isla, segun Gradus.

Legislacion di consenso, implementa 2010, lo no a logra drecha maneho financiero ni tampoco maneho hudicial na Corsou. No por supervisa sin ehecucion organisatorio. Falta di organisacion alrededor di maneho financiero, por ta un di e factornan cu Corsou no por cumpli cu exigencianan imponi pa e ley ci consenso di supervision financiero. Segun Gradus, organisacion por ta un di e factornan cu ta stroba maneho financiero sano na Corsou.

Segun Vigilante, Gradus su posicion ta cuadra completamente cu realidad. Diseño di e leynan di consenso, tanto hudicial como financiero, a bin na vigor desde 2007. Despues di 3 aña di planificacion, na juli 2010, nan a keda oficialisa como leynan di Reino. Durante planificacion di e leynan y nan ehecucion, nunca ningun experto a pensa riba implementacion. Y pa implementa un ley, cual ta rekeri cambio den organisacion, mester diseña e parti aki tambe.

E leynan di consenso, incluso esnan hudicial,  akeda oficialisa sin pensa riba nan implementacion. Pa locual ta trata esun financiero, Cft ta encarga solamente cu supervision sin contempla implementacion. Esaki ta un fenomeno hopi peligroso y si no atendeesaki, e por ocasiona mas problema den e pais enbes di trece solushon. Implementacion efectivo di e ley financiero ta rekeri mas cu lesa cifra y cuadra balansa di pago.

 

You May Also Like

Nomber di compania Hulandes a aparece den caso di corupcion Isla

WILLEMSTAD – Recientemente e compania Hulandes Count a surgi den un investigacion tocante un posibel ...

Jair Bolsonaro: “esaki ta e comienso di liberacion di Brasil di socialismo”

Jair Bolsonaro a asumi poder na Brasil, su proclamacion como presidente di e nacion ...

Comision Interamericano di Derecho Humano cu informe tocante Venezuela

Comision Interamericano di Derecho Humano (CIDH) a celebra un conferencia di trabao, corespondiente na ...

Sindicatonan no ta bay di acuerdo cu proposicion Corsou

E 15 sindicato cu ayera a organisa un paro nacional na Corsou no a ...

Mexico: Gobernador di Puebla ta muri den accidente aereo

Direccion General di  Aeronautica Civil a forma un ekipo internacional cu lo ta encarga ...

Gobierno buscando pa yena 40.000 puesto den cuerponan di seguridad

Ministro di Interior y Husticia di Venezuela, Néstor Reverol, a informa ayera cu 40.000 hoben ...