Cuba: Mas detencion di caracter politico na februari

E Comision Cubano di Derecho Humano y Reconciliacion Nacional (CCDHRN) a denuncia e notable aumento di detencion arbitrario pa motibo politico na e isla durante luna di februari di e aña aki y a alerta tocante e aumento di persecucion politico contra activista y opositor di e regimen.

Den su informe mensual, publica diarason pasa, CCDHRN a informa cu na februari a tuma lugar 310 aresto, dos biaha mas cu na luna di januari, cu a conoce un total di 144 dtencion.

Den e sentido ey, e grupo opositor ta referi na e realisacion di e referendum constitucional dia 24 di februari cu a provoca un “mobilisacion grandi” di forsanan policial y parapolicial, dedica na eherce “represion preventivo y intimidacion” contra ciudadano clasifica como no liga na, o no simpatisante di e regimen.

Tambe e informe ta duna cuenta di e situacion di e ciudadanonan Yasser Rivero Boni, di Habana, y Salvador Reyes Peña, di Matanzas, kennan a ser aresta na e capital Cubano dia 10 y 16 di februari, respectivamente, y interna den prison di alto seguridad.

Comision Cubano di Derecho Humano y Reconciliacion Nacional tambe a denuncia “48 acto di hostigamento y 12 agresion fisico”, den tur caso tabata trata di accion represivo cu a ser cometi pa polis politico.

CCDHRN ta e unico plataforma cu ta registra e tipo di incidente aki dentro di e isla y, na 2018 so, a conta un total di 2.873 detencion considera arbitrario, casi tur di caracter temporal.

 

You May Also Like

VENEZUELA: Asina cas unda Oscar Perez tabata sconde a keda

Reduci na poco columnas y escombro, asina e cas a keda unda e ex-polis ...

Venezuela: Guaidó a sigura cu ayudo humanitario lo drenta den proximo dianan

E ayudo humanitario pa Venezuela cu ta recolecta na e ciudad Colombiano di Cucuta ...

Colombia: autoridadnan hudicial ta inicia investigacion den caso di naufragio Guatapé

COLOMBIA (ElTiempo).- Procuraduria General di Nacion a inicia un investigacion preliminar den e caso ...

Retironan na InselAir den recta final

E proceso pa retira un grupo di trahado di InselAir, ta den recta final. ...

PDVSA ta negociando suministro di gas natural pa Colombia, Aruba y Trinidad

E empresa petrolero estatal Venezolana PDVSA ta den conversacion pa firma contrato di exportacion ...

Un muhe Chileno a muri despues di varios cirugia na Colombia

Un muhe di Chile di 48 aña a muri na Cali – Colombia, despues ...