E ciudad Mericano di Houston ta enfrentando inundacionnan grandi, nunca mira den historia di estado di Texas segun autoridadnan ta laga sa. Un record di 75cm di awasero a cay den e ciudad mientras cu horcan Harvey tabata pasando, causando inundacionnan grandi den e ciudad. E ciudad a haya un yobida di un aña den menos di un siman. Cinco hende a perde nan bida y helicopternan a rescata mas cu 2.000 hende caba for di e zona mas afecta.
E servicio di rescate ta temporalmente limita pa motibo di asina hopi hende cu mester rescata, varios hende ta evacuando e area riba nan mes.
