Gobierno Mexicano a laga sa diadomingo cu nan no ta bay paga pa e muraya cu presidente Mericano Donald Trump kier construi den e frontera entre e dos paisnan. Trump a Tweet diadomingo mainta: “Mexico ta un di e paisnan unda crimen ta mas halto na mundo, nos mester construi e muraya aki y Mexico ta bay paga pe algun manera of otro.”

E minister di asuntonan di exterior na Mexico a responde bisando cu e pais no ta bay paga pa un muraya of cualkier otro barera fisico pa e frontera, “bao di ningun circumstancia”.
E declaraccion ta sigui cu:  “E determinacion aki no ta parti di un strategia di Mexico pa negosha, pero mas bien un principio di dignidad.” Trump a campaña cu esaki y a menasa cu un ‘shutdown’ di gobierno si congreso no aloca e placa pa traha e muraya aki cu Mexico ta nenga di aporta cu fondo.