Diamars durante oranan di anochi unidad pa e crusada Kaya Brudernan di Brakapoti/Caminda Italia pa un accidente di trafico, caminda tin un persona gravemente herida.
Na e sitio e oficialnan a topa cu un vehiculo cu a bolter den mondi y e chauffeur den dje ya no tabata duna señal di bida. Ambulance a presenta na e sitio, pero paramediconan no por a haci nada mas pa e victima. Segun testigonan a bisa, e dama tabata coriendo riba caminda Italia y pa un of otro motibo desconoci, na momento cu el a yega e T kruising, el a sigui core y bay bolter den mondi.
Debi na e accidente, e victima a sufri lesionnan basta serio y a bin fayece na e sitio. Alrededor di 22.45or Dokter di Polis cu a presenta na e sitio a constata morto di e dama Irviomara A.E. VOS, nace na Corsou, dia 6 di april 1979.
