Parlamentario y lider di su propio fraccion di RED Democratico, Ricardo Croes, a referi na e discurso, traha pa gobierno, cu Gobernador di Aruba, Alfonso Boekhoudt a trece dilanti den cuadro di aña parlamentario nobo ayera mainta.

El a bisa cu si nos a pone atencion na e discurso aki, Gobernador a duna puntonan basta detaya tanto di necesidad y enfoke humanitario. Pero tambe riba economia circular, economia general, situacion social, medio ambiente, etc., pues e discurso tabata amplio.

Igualmente den e contenido di e discurso aki por scucha cu den e ultimo dos añanan tabatin cambio den e pais aki. “Cambionan positivo y esey ta e posicion di e fraccion di partido RED Democratico den coalicion”, Croes a bisa.

El a agrega cu nan fraccion ta participa den e cambionan positivo y na e leynan cu nan a aproba. Croes a cuestiona e postura di e fraccion di oposicion (AVP) cu no a bay di acuerdo cu e leynan positivo cu ta duna su fruto. E ta haya cu den e discurso elocuente di Gobernador nos tur por scucha esakinan. Y esey lo ta e posicion di nan fraccion RED Democratico pa sigui sostene, esta e cambionan positivo aki.

 

LEAVE A REPLY

Please enter your comment!
Please enter your name here