Izaline Calister, strea di e dos dia di Caribbean Sea Jazz

Informacion cu nos a haya for di Erik Eman ta mustra cu diasabra anochi tabata hopi bon bishita, sinembargo diabierna tabata un miho anochi pa Caribbean Sea Jazz Festival.

Segun Eman diabierna e publico tabata mas grandi cu diasabra. Pero cu durante presentacion di Izaline Calister e publico a biba cu un tremendo presentacion, despues un parti di e publico a bay y asina e anochi a sigui. Tambe mester bisa cu ta tin un fanaticada grandi pa e presentacion di Levi Silvanie y Randal Corsen cu ta tin un sala completamente yen. Tabatin hopi perspectiva tambe pa e Michael Jackson Tribute di Tony Succar ft. Jon Secada, cu a adapta e canticanan di e artista famoso den ritmo di salsa. Sinembargo basta hende a remarca cu e cantamento no tur ora tabata zuiver. 

E Prince Tribute di JeMM’s cu Erik Eman mes riba baho si a logra di pone hende bek den ambiente pa despues e DJ Ben Liebrand a tuma esaki over sin esfuerso y e publico por keda baila te 3 or marduga.