IMG_0325.jpg

Segun sindicato SIWA, minister Mike de Meza a haci e promesa cu e lo papia cu gerencia di WEB pa sinta hunto.

 

Diasabra mainta tabata programa un reunion urgente entre dirigentenan di SIWA encabesa pa Erick Henriquez y minister di Utilidad, Minister Mike de Meza. Pero tambe cu Utilities pa atende cu e denuncianan cu e sindicato a haci.

Glen Geerman, kende ta presidente di hunta comisario di WEB, tambe tabata presente na e reunion aki pa scucha e preocupacion di e trahadonan di e compania di Utilidad. Sindicalista Henriquez a declara na Bon Dia Aruba ayera nochi cu nan vocifera nan preocupacion y nan a pone bon cla cu e problema di WEB no ta sinta cerca e trahadonan sino riba e prioridadnan robes cu WEB a bin cu ne. Despues di e reunion, Minister de Meza a keda di reuni cu gerencia di WEB pa asina programa otro reunion cu presencia di sindicato di Utilities y hunta di comisario di WEB.

 

For di e vocero di WEB, Asja Dongen riba si gerencia di WEB lo honra e peticion di SIWA pa reuni cu nan, el a laga sa cu ainda e no a haya reaccion di gerencia riba e punto aki.

 

Sr. Henriquez a yega di manifesta na Bon Dia Aruba cu e malcontento di e trahado ta grandi y di diferente indole. Nan ta masha malcontento pa loke nan ta considera “arogancia” di gerencia pa atende cu nan preocupacion, entre nan e decadencia di e compania di utilidad aki. Bon Dia Aruba lo sigui elabora riba e desaroyo di e situacion laboral cu a surgi den WEB. 

LEAVE A REPLY

Please enter your comment!
Please enter your name here