E pandemia di coronavirus (COVID-19) a exigi su prome victima mortal na Jamaica. E fayecido ta un homber di 79 aña di edad cu diabetes y hipertension, di Clarendon, cu un historia di biaha pa New York. 

Secretario permanente na ministerio di Salud y Bienestar, Dunstan Bryan, a haci e anuncio na un rueda di prensa diaranson anochi. “E pacient a test positivo awe y a muri awe,” Bryan a bisa.

Di acuerdo cu e ‘chief medical officer’, Dr Jacquiline Bisasor McKenzie, e homber a bay na Lionel Town Hospital dia 16 d maart. McKenzie a bisa cu a manda e homber despues pa Mandeville Regional Hospital y el a cuminsa mustra mehoracion pero su condicion a bay atras rapidamente diaranson pasa.

E staf medico tabata den proceso di transferi e persona pa Hospital di University of the West Indies, pero el a fayece alrededor di 3pm, segun CMO McKenzie.

E caso tabata un di e dosnan adicional cu COVID-19 anuncia pa ministerio durante nan rueda di prensa. E otro caso positivo ta trata e prome pacient detecta. Jamaica awor tin un total di 15 caso di COVID-19 confirma.

LEAVE A REPLY

Please enter your comment!
Please enter your name here