(TMZ) – Jay Leno ta na un centro pa trata kemadura despues cu el a sufri heridanan serio na su cara segun TMZ a reporta.

Jay tabata den un garashi na Burbank unda e ta warda su vehiculonan riba diasabra ora cu un di e autonan a pega candela sin advertencia. Fuentenan cu conocemento directo a bisa TMZ cu e candela a kima parti di su cara, sinembargo esaki no a penetra su wowo ni su horea.

El a ser hiba Grossman Burn Center, unda e ta permanece interna. Te ainda no ta conoce su condicion sinembargo e ta suficientemente grave pa e permanece bao cuido medico.

Jay a cancela tur su presentacionnan pa e resto di e siman. E tabatin presentacion na The Financial Brand Conference riba diadomingo, sinembargo e organisadornan a bisa cu tin un “emergencia medico hopi serio” cu a preveni su persona di presenta.

E ex conductor di “Tonight Show,” ken tin 72 aña di edad, tabata programa pa actua na e evento diadomingo anochi, pero e no por a asisti na esaki. “Su famia no por a duna hopi detaye, pero tabatin un problema di salud hopi grave y esaki ta impedi cu Jay por biaha,” nan a manda via e-mail. “Tur loke nos sa ta cu e ta na bida. Nos oracionnan ta cune y su famia awe.”

E representantenan di Leno a nenga di duna informacion na prensa.

Aunke ta desconoce con e comediante ta actualmente, Leno a sufri varios problema di salud durante e añanan, cual ta aumentando e riesgo di tin otro,” el a bisa anteriormente. “Tambe ta mane un teremoto posiblemente no ta destrui un cas, pero si e ta debilita e structura.

Te cu awo Leno a bisa cu e tabata controlando su cholesterol tumando medicamento pa esaki y usando un dispositivo yama EKG cual ta monitor su curason. Tambe el a bisa cu e ta mantene su mes aleha di alcohol y sigaria aunke e no ta “perfecto.”

LEAVE A REPLY

Please enter your comment!
Please enter your name here