Artista cantante Carlos Arroyo cu ta firma bao di Record Label “Rimas” – por cierto Record Label cu Bad Bunny ta cay bao di dje – a colabora conhuntamente cu JEON den studio na Miami pa cu e cancion cu ta premira di ta un exito internacional “Surfing”.

Asina cu e produccion den studio a wordo finalisa, dia 17 di october ultimo Carlos Arroyo a bin di bishita na Aruba pa asina forma parti hunto cu JEON den e produccion grandi cu a tuma lugar na nos bunita lama, presenta cu colornan vibrante y alabes cu un ritmo musical moderno!

“Surfing” e tema aki su ritmo a wordo composita por medio di “Jhon Paul El Increibel” y JEON a realisa e parti di produccion.

E videoclip aki seguramente lo hala su mantencion cu su melodia ritmico, su colornan artistico y e combinacion dinamico cu e combo vocal aki so por realisa! “Surfing” a ricibi un apoyo inmenso caminda e ekipo dinamico cu a realisa e produccion a keda sumamente agradecido y ta duna danki pa tur e sosten cu a ricibi di parti Cuerpo Policial Aruba, Elite Productions & Entertainment, Gianni’s Group Aruba , Anson Heavy equipment & Transport, Jason Fun, Issabeach Foodtruck, X Seasons Tent, Blue Highway, Hi Winds, Kooyman, Tropical Bottling Company, Magic Mango y Gigliola Designs.

Diabierna awo, dia 15 di januari 2021 videoclip “Surfing” lo ta disponibel riba tur plataforma pa asina mundo henter por disfruta!

LEAVE A REPLY

Please enter your comment!
Please enter your name here