E homber John Earnest di 19 aña di edad cu ta e sospechoso principal, cu a drenta y tira na e sinagoga yen di hende ora cu nan tabata celebra e ultimo dia di Pasco na sur di California, tambe ta ser investiga enconexion cu e candela na mosque arson luna pasa.
Aki ta unda cu un muhe a perde su bida, y tres persona a resulta herida, segun informe di autoridad. Despues di e acto aki e homber a huy di e luga den un auto, scapando e agentenan di patruya di frontera cu a tira riba e vehiculo pero no a alcansa e sospechoso.
E sospechoso cu aparentemente ta autor di e manifiesto cu ta claim di a cuminsa e candela na e moskee luna pasa y profesa inspira e tirado kende a mata 50 persona na dos moskee na New Zeeland.
E homber a yama 911 despues y el a bisa cu e tabata envolvi den un tiramento na Chabad di Poway, San Diego, segun hefe di polis, David Nisleit, a bisa reportero. Ora cu un polis a yega cerca e homber, el a baha for di su auto cu su man ariba y el a ser deteni.
Segun autoridad e homber no a duna detaye ni motibo pa su acto. Tambe autoridad ta buscando copia di e homber su rednan social, pa wak si tin algun mensahe cu el a manda cu por duna claridad. No tin ningun menasa despues cu e homber a ser deteni, pero a manda polis cerca luganan di adoracion pa precaucion.
E tiramento a tuma luga 6 luna despues di un tiramento na un sinagoga na Pittsburgh, unda11 persona a perde nan bida, cu ta bira e atake contra hudiu mas grandi den historia di Merca.
Minoo Anvari a bisa CNN cu e ta miembro di e sinagoga, y a bisa cu su casa tabata den e sinagoga ora di e tiramento. El a bisa cu el a yama su casa bisando cu e homber tabata grita y maldeci. “Increibel cu cosnan tin cu pasa den luga di pas, pero nos ta fuerte, uni y nan no por kibra nos”, Anvari a bisa. Cuatro persona a wordo admiti na hospital, autoridad a bisa cu un mucha muhe y dos homber ta herida.
