Ta lamentabel loke a pasa cu sr. Stanley George. Durante oranan di diaranson mainta, a surgi un situacion caminda cu personal di mantenemento di Hit 94, sr. Stanley George, a subi mast di e radio y despues pa su mala suerte a haya un accidente y a fayece. E echo aki ta duel e propietario di Hit 94, sr. Johnny Habibe masha hopi mes, mirando cu e persona aki ta un persona hopi stima pa e empleadonan di e radio emisora, como tal un amigo personal di Habibe mes.
Ya pa varios dia caba George ta trahando riba e antena di e radio pa mira si ta oke pa e por subi y haci su mantencion necesario, te cu e dia di ayera y lamentablemente e accidente a sosode.
Awor aki e dos radionan di Habibe, entre nan Hit 94 ta for di aire y awo tin cu bay wak kico lo bay pasa den e dianan nos dilanti.
