Dialuna den careda di 11’or anochi habitantenan di Madiki Kavel a scucha un explocion ta bin for di un transformatorrhuis di Elmar y a mira huma ta sali di biaha a yama raporta na autoridad. Unidad di polis y brandweer cu urgencia a presenta na e sitio, mucho no por a haci te ora cu personal di Elmar a presenta.
Asina a logra habri e porta y a constata cu e huma ta sali for di un otro porta unda tin algun kabelnan di voltahe halto. Ora a habri esaki a topa cu sorpresa full e kabel na candela. Debi cu no tabatin coriente na dje Elmar a duna bomberonan ok pa asina paga e candela cu awa.
Hefenan di Elmar encarga cu storing tabata presente cu mapa den man cla pa drenta accion pa mira con pa brinda coriente bek na esnan afecta via un otro transformatorhuis den bisindario. Loke ta e area di Madiki Kavel, Paradijs ta loke a keda sin coriente pa un rato.
