Di diadomingo 8 di Mei te cu diasabra 14 di Mei 2022, mas o menos binti kadete di KMA/Academia Real Militar na Breda (Hulanda) lo completa nan training pa bira Officier, cu e ehercicio ‘Alumno to Suda’ na Aruba.
E kadetenan ta cuminsa cu nan entrenamento profesional despues di zomer, como e ultimo preparacionnan riba nan prome funcion como Officier dentro di e varios seccionnan di arma y servicio den Ehercito Real Teniendo e ehercicio na Aruba, e Officier Aspirant ta experencia con ta opera den un ambiente diferente, den contexto i circunstancianan climatologico otro di loke nan ta custumbra cune. Creando un contexto operacional, un transmision asina ta keda simula.
Parti di e programa ta entre otro, lesnan di parti di Milisia di Aruba (ARUMIL), deporte, actividadnan inusual, momentonan di reflexion, y un ehercicio di 24 ora cu sosten di Cuerpo di Marinier di Kazerne Savaneta.
Dia Social
Riba diasabra 14 di mei ta clausura e programa cu un dia social na Aruba. E dia ey e kadetenan ta lora nan manga di camisa pa yuda cu mantencion y asuntonan practico na Ambiente Feliz, un hogar familiar reemplasante pa esunnan incapacita mentalmente, y tambe na Sgt. Pepper Friends Foundation, un refugio pa animal na Aruba. Actividadnan social pa e kadetenan ta keda ehecuta mas frecuente durante aña, pa asina aporta na organisacionnan local y pa un bon causa.
Na ‘Koninklijke Militaire Academie’ (KMA) na Breda anualmente centenares di kadete ta keda entrena pa bira Officier. Na KMA por sigui un entrenamento cortico pa Officier, un siñansa den ciencia Militar, of un entrenamento specialisa. KMA ta trein Officier nan pa Ehercito Real, Forsanan Aereo Real y Marechaussee Real.
KMA ta keda sostené den organisashon di e ehersisio aki pa ‘Expertisecentrum Leiderschap Defensie‘ (ECLD) y ‘Faculteit Militaire Wetenschappen’ (FMW). E institutonan aki ta parti tambe di Nederlandse Defensie Academie (NLDA). Tambe nan ta traha conhunto cu ARUMIL i Marina Real.
