(AP) – E departmanto di Kansan su ciudad mas popula a urgi su scolnan publico riba dialuna pa rekeri tur trahado y studiante cu no ta vacuna contra di COVID-19 pa sigui uso di tapaboca ora cu lesnan cuminsa bek.
E Johnson County Department of Health and Environment su guia a yega den bista cu casonan confirma di e variante delta cual ta hopi mas contagioso ta aumentando rapidamente den Kansan y ta motivando cifranan mas halto di casonan nobo di COVID-19 en general.
“Nos kier un regreso na normalidad, pero nos mester ta cauteloso y ricibi e vacuna si nos ta eligibel” Dr. Sanmi Areola, e director di e departamento a declara.
Lance Williamson, un enfermero registra y consultante di prevencion di infeccion pa e Universty of Kansas Health System a bisa cu e bistimento di tapaboca “ta un precaucion basico” contra di COVID-19.
“Specialmente ora cu bo ta insigur di e personanan cu no tin e vacuna versus e personanan cu si ta vacuna den un mesun area, e ta hopi mas facil si rekeri tur persona bisti tapaboca” Williamson a bisa durante un programacion online di e ‘health system’ aki cual ta tuma luga tur dia.
E estado a reporta riba dialuna cu casonan confirma di e variante delta a aumenta cu casi 20% desde diabuerna pasa, subiendo di 158 te cu 950. E confirmacion di e vasonan di variante ta rekeri testnan genetico di e pashentnan su muestra sea di nanishi of di nan scupi.
Datonan di e estado tambe a demostra cu Kansas tabatin un averahe di 440 casonan nobo di COVID-19 en general pa e 7 dianan cual caba riba dialuna, cual ta e averahe mas halto desde dia 26 di februari den e lunanan anterior.
