( Msn.com/TMZ.com ) – Kanye West a responde oficialmente e peticion di divorcio di su ex casa Kim Kardashian, segun informenan di dialuna.
E hefe di Yeezy a presenta documentonan legal diabierna y den e presentacion, West a solicita na e tribunal e custodia legal y fisico conhunto di e 4 yiunan di e ex pareha : North, 7, Saint, 5, Chicago, 3 y Psalm, 1, al igual cu Kim Kardashian, a haci den su peticion di divorcio inicial di 19 di februari.
Ademas, dado na e informenan cu West y Kardashian, di 40 aña, ta sinta comodamente den e reino di e multimiyonarionan, e interpretado di Jesus Is King” di 43 aña tambe a pidi e tribunal cu lo renuncia na su capacidad di otorga manutucion conyugal of honorarionan di abogadonan na cualkier di e partinan.
Anteriormente a revela cu, segun e informenan, su relacion a tens despues cu e diseñador y e magnate a anuncia su candidatura na e presidencia den 2020. Durante su campaña, West a bisa e audencia cu e y Kardashian a considera e aborto desde e principio di nan relacion den un meeting na California di Sur.
Poco despues, West a lansa un Tweet bisando cu e kier e divorcio. Tambe a comparti sospechanan infunda cu Kardashian a gañ’e cu e rapero Meek Mill ora a asisti na un evento di reforma carcelario.
Ademas, ningun di e partinan a numera un fecha di separacion den su presentacionnan dividi y segun TMZ,aunke e comunicacion di e ex pareha tabata inestable cu West supuestamente cambiando e numbernan di telefon di su ex casa, ta bisa cu e y Kardashian ta mucho miho awo.
