Campaña presidencial di Kanye West a bira serio, pasobra e tin meta pa aparece riba e papeleta na Ohio, y e estado en cuestion por ta un factor determinante pa ken lo ocupa Cas Blanco.

Kanye a contrata un compania, Let the Voters Decide, pa colecta firma di votadonan den tres estado, Ohio, West Virginia y Arkansas.

E tin mester di 5mil firma na Ohio prome cu diaranson pa cualifica. Segun TMZ, alrededor di 90 persona ta activo na Ohio colectando e cantidad rekeri di firma.

Ohio ta un di e 4 estadonan ‘swing’ cu por ta un factor mayor na november. Na aña 2016, Trump a gana e estado cu un diferencia di menos di 5mil voto. Kanye no ta bay gana, pero e por tin un efecto. No ta cla ken ta mas afecta si Kanye horta varios voto, Trump of Biden.

Segun TMZ, Let the Voters Decide tin tur confiansa cu lo logra haya e 5mil firma necesario pa clasifica pa e papeleta na tempo.

Mester menciona cu Ohio tin 16 voto electoral, esun cu di 7 mayor cantidad den e pais.