Den un grupo di amistad na Santorini,Dubai y Kenia e bichota a bisa ayo na su look cu su cabay blauw, awor e ta habri pa cambionan y crecemento den su bida. Di e manera aki Karol G a bisa ayo na su cabai blauw despues cu e la finalisa su gira unda cu e la duna di conoce cu ya a yega e momento pa haci cambio den su look y laga atras e color cu a compania e cantante mas di dos aña unda cu e la comberti den un seyo di identidad.

Pero sinembargo esunnan cu conoce Karol G e despedida aki di su cabey blauw mester a bay den un manera special, no tabatin nada miho cu un vacacion cu amigonan pa cera un etapa di e bida y habri un otro cu lo ta bay ta uno miho.

Riba e cuenta di instagram di Karol G a comparti e cancion : “Provenza” cu su fanaticonan y un mensahe motivando pa asina bisa ayo na su icon cu ta su cabay blauw y a recorda den tur e momentonan cu e la recorda. Segun e cantante cu un look asina e merece pa bisa ayo na e temporada di dje y pa mira cosnan nobo y pa sigui bay padilanti.

Sinembargo e artista ta sigura cu e la dispidi di su cabay blauw cu hopi lagrima mirando cu e la compania su persona den un epoca cu e no lo bay lubida mas y cu nunca lo e lubida personanan cu e la stima, dolornan cu e la sinti, madurez, evolucion y di tur su exitonan

LEAVE A REPLY

Please enter your comment!
Please enter your name here