Katie Bouman: E muhe tras di e prome imagen di ‘buraco preto’

Katie Bouman a lidera desaroyo di un programa di computer cu a haci imagen di vanguardia posibel. E potret remarcabel, mustrando un halo di stof y gas 500 miyon triyon di kilometer for di Tera, a wordo revela diaranson.

Pa Dr. Bouman, su creacion tabata e realisacion di un empresa cu a kere ta imposibel.

“Mirando sin por kere mientras e prome imagen cu mi a yega di haci di un black hole tata den proceso di reconstruccion”, el a skirbi riba Facebook hunto cu un potret.

El a cuminsa crea a aligoritmo tres aña pasa mientras e tabata studiante na MIT. Eynan, el a lidera e proyecto, asisti pa un team di e Computer Science and Artificial Intelligence Laboratory di MIT, e Harvard-Smithsonian Center for Astrophysics, y e MIT Haystack Observatory.

E imagen, capta pa e Event Horizon Telescope (EHT) – un red di ocho telescop liga na otro – a wordo produci cu aligoritmo di Bouman.

Den e oranan despues di e revelacion di e potret, Bouman a bira un sensacion internacional, cu su nomber un tendencia riba Twitter. Bouman tambe a ricibi elogio riba rednan social di MIT y e Smithsonian.

Pero Bouman, awo un assistant professor of computing and mathematical sciences na e California Institute of Technology, a insisti cu e team cu a yud’e tambe ta merece e credito. E esfuerso pa captura e imagen, uzando telescop na sitionan desde Antartica te na Chile, a involucra un team di mas di 200 cientifico.

“Niun di nos por a haci e nos so”, el a bisa CNN. “Nos a logra danki na cantidad di persona diferente cu background diferente.”

Con su aligoritmo a crea e imagen?
Poni simpel, Bouman y otronan a crea un serie di aligoritmo cu ta converti data telescopico den e potret historico comparti mundialmente.

Den matematica y ciencia di computer, un aligoritmo ta un proceso of set di regla uza pa resolve problema. Ningun telescop riba su mes ta suficientemente poderoso pa captura e black hole, pues un red di ocho a wordo set up pa haci esey uzando un tecnica yama ‘interferometria’.

E data cu nan a captura a wordo warda den centenares di hard drive cu a wordo manda na centronan di procesamento central na Boston, Merca, y Bonn, Alemania.

E metodo di Bouman di procesa e data ‘raw’ aki tabata instrumental den e creacion di e imagen.

El a lidera e proceso di test mediante cual aligoritmonan multiple cu ‘diferente asuncion den nan’ a purba di recupera un potret for di e data.

E resultadonan di e aligoritmonan a wordo analisa pa cuatro team separa pa crea confiansa den e veracidad di nan hallazgo.

“Nos ta un ‘melting pot’ di astronomo, fisicista, matematico y ingeniero, y esey ta locual a tuma pa logra algo cu a kere tabata imposibel”, Bouman a bisa.

 

You May Also Like

canada-fires1.jpg

10% di e ciudad Fort McMurray na Canada completamente destrui

Autoridadnan na Alberta no por controla e candela na Fort McMurray cual ta un ...

Venezuela: Ultimo oportunidad pa trece paz den e pais

Charla entre presidente Nicolas Maduro hunto cu oposicion ta ”e ultimo esfuerso” den purba ...

Alerta pa tsunami na Chile despues di temblor

Tin un alerta pa tsunami na Chile despues di un temblor di magnitud 7.6 ...

161007145927-24-haiti-1007-super-169.jpg

Cantidad di morto na Haiti ta sigui crece despues di horcan Matthew

Horcan Matthew a laga atras un destruccion grandi na Haiti unda miles a muri ...

saidimg_4746_fe12178df2a71567384470d9729c6ddb.nbcnews-ux-2880-1000.jpg

Prizoneronan ta cushina estilo ‘Fine Dining’ den prizon na Italia

Normalmente , cuminda di prizon no ta nada cerca di ‘Fine Cuisine’. Pero den ...

Desaster avion Rusia

Rusia ta suspende vuelo pa Egipto; indicacion a trece bom abordo

Rusia aparentemente awor tambe ta convenci cu un bom a causa e desaster cu ...