Puerto Rico: 800 caso di abuso sexual pa luna; casi 80% pa famia

E miembro di Camara di Representante di Puerto Rico, Jackie Rodriguez a divulga ayera e contenido di un informe di Departamento di Salud unda ta revela cu e hositalnan di e isla ta atende un promedio di 800 caso di abuso sexual mensualmente, y cu anualmente ta registra 16.000 denuncia di e tipo aki.

Mirando e cifra alarmante aki, e parlamentario pa Partido Nuevo Progresista (PNP) a presenta un resolucion pa Comision di Turismo y Bienestar Social investiga e incidencia di abuso sexual contra menor.

“Esaki ta inaceptable y nos mester evalua e medidanan cu gobierno a implementa y identifica iniciativa adicional pa eradica tal abuso,” e parlamentario a indica den algun declaracion skirbi despues di haci contenido di e informa publico.

Rodriguez a declara cu segun e datonan di Centro di Ayudo na Victima di Violacion di Departamento di Salud, 79% di e casonan di abuso sexual reporta a ser cometi pa famliliar di e victima.

Mientras cu 80% di e denuncianan pa algun tipo di agresion sexual ta reporta pa hende muhe victima, 35% di e delitonan reporta ta pa agresion sexual y 60% pa acto inmoral.

Un grafico publica riba e webpage di Salud ta mustra cu pa aña fiscal 2017-2018 tabatin 679 caso activo di abuso sexual na Departamento di Famia.

Tambe, un estudio realisa pa Salud na 2018, a revela cu diariamente dos menor victima di abuso sexual ta ricibi ayudo den sala di emergencia na e isla. 79% di e victimanan cu ta haya servico di e tipo aki na hospital ta bao 18 aña.

Rodriguez ta afirma cu e isla “ta biba den un violencia sexual imbatible” cu no a logra dtene cu exito, cu e campañanan di prevencion y concientisacion realisa.

 

You May Also Like

Jamaica: Obesidad cerca mucha a subi cu 100% den ultimo 5 aña

Presencia di obesidad cerca mucha a bira doble di loke e tabata cinco aña ...

Surinam: Vice canciyer Venezolano Gabriel Yanez buscando apoyo

Inmediatamente despues di e rechaso Venezolano di e decision di Nacionnan Uni pa manda ...

Ex-presidente di Odebrecht Marcelo Odebrecht ta pasa pa aresto na cas

(EFE) – Ex-presidente di e empresa Brasileño Odebrecht, Marcelo Odebrecht, condena den e scandal mas ...

Scandal di lechi na Peru: Marca grandi ta bende mescla pa gaña consumidor

Walter Gutiérrez, defensor di pueblo di Peru a considera un engaño cu tin empresa ...

Tribunal a manda un pastor pa prizon cu a asesina su ayudante

Un tribunal di provincia di Santo Domingo – Republica Dominicana,  a dicta un condena ...

Ex-funcionarionan di gobierno Mujica bao investigacion pa negoshi cu Venezuela

Dies funcionario di gobierno di ex-presidente di Uruguay José Mujica a ser denuncia pa ...