Despues di mas di un decada, ‘Keeping Up with the Kardashians’ lo termina su carera proximo aña.

“Ta cu un curason pisa cu nos ta bisa ayo” na e reality show, Kim Kardashian West y e otro miembronan di e famia Kardashian-Jenner a bisa den un declaracion diamars. “Nos a dicidi como famia pa termina e biahe special aki”, segun nan declaracion riba rednan social, sin mas splicacion tocante e decision.

E serie a bira un sensacion di cultura pop y a duna inicio na un forma nobo di fama naci di reality TV. Tambe tabata e plataforma di lansamento pa e imperionan di moda y beyesa di varios miembro di e famia, y a conduci na e reinvencion sorpresa di Kardashian West como un crusado pa husticia social y aspirante di abogado.

Ademas di Kardashian West, otro nombernan riba e declaracion tabata Kris, Kendall y Kylie Jenner; Kourtney, Khloe y Rob Kardashian; y Scott Disick.

E anuncio ta yega mientras Kanye West ta busca un candidatura independiente pa presidencia Mericano, representando loke e ta bisa ta e Birthday Party. Esposo di Kardashian West a enfrenta cuestionamento tocante su estado emocional despues di un evento di apertura di campaña turbulento na South Carolina.

Sede di e show, E! Network, a bisa cu ta un despedida atrasa. E temporada nobo ta cuminsa dia 17 di september, cu e temporada final transmitiendo na 2021.

E serie, cu a debuta na october 2007, a produci 12 spin-off, incluyendo ‘Kourtney and Khloe Take Miami’, y ‘Revenge Body with Khloe Kardashian’.

Na cuminsamento di e show, e nomber Kardashian tabata familiar pa algun persona. Hende hoben tabata conoce Kim Kardashian como amiga di Paris Hilton kende a aparece riba algun episodio di show di Hilton, ‘The Simple Life’ y den un ‘sex tape’ cu a circula ampliamente y a duna impulso na su fama.

Hende mas grandi tabata recorda Robert Kardashian, tata di Kim cu a fayece na 2003, como abogado y amigo di O.J. Simpson kende a actua como su vocero despues di e asesinato di esposa di Simpson.

LEAVE A REPLY

Please enter your comment!
Please enter your name here