Walmart a lansa un programa piloto ayera usando drone pa entrega cuminda y esencialnan di hogar na ciudad di North Carolina.

E gigante di retail ta usando drone di Flytrex na Fayetteville, unda ta bisa ta spera di haya informacion tocante e experiencia di e cliente- y trahadonan cu e tecnologia.

Tom Ward, senior vice-presidente di producto di consumidor na Walmart basa na Bentonville, Arkansas, a reconoce cu lo dura un tempo prome cu usa e drone ampliamente pa entrega di pakete.

“Esey ainda ta sinti como un tiki di ciencia ficcion, pero nos ta na un punto unda nos ta siñando mas y mas tocante e tecnologia disponibel y con nos por us’e pa haci bida di nos clientenan mas facil”, Ward a skirbi den un blog corporativo.

Siman pasa, Amazon a ricibi aprobacion regulatorio pa entrega pakete via drone, pero e compania a bisa cu ainda ta test e aeronave auto-piloto y no a bisa na ki momento lo usa nan pa entrega producto na clientenan a gran escala.
Compania di entrega UPS y un compania propiedad di e gigante di buskeda Google tambe a ricibi aprobacion regulatorio pa entrega via drone.

LEAVE A REPLY

Please enter your comment!
Please enter your name here