(AP) — Lider Nort Koreano, Kim Jong Un a supervisa un ehercicio di artilleria simulando un atake riba un campo aereo Sur Koreano y a haci un yamado pa su trupanan ta cla pa responde na e “movidanan frantico di preparacion pa guera” di e enemigo – aparentemente referiendo na e serie di ehercicionan militar reciente entre Merca y Sur Korea.
E reportahe di medionan estatal Nort Koreano ayera a yega un dia despues cu ehercito Sur Koreano a detecta e Nort ta lansa la menos un misil balistico di rango corto den direccion di lama for di un sitio cerca di ciudad di Nampo den occidente. E Joint Chiefs of Staff di e Sur tabata evaluando si por a lansa mas misil simultaneamente.
Agencia Central di Noticia Koreano oficial di Pyongyang a bisa cu Kim a urgi su trupanan pa ta prepara pa “responde abrumanetemente y contene” e accion milita rdi enemigonan di e Nort, cual el a bisa tabata procediendo cu “tur sorto di movidanan frantico di preparacion di guera.”
El a bisa cu unidadnan di frontline mester reforsa nan capacidadnan pa ehecuta nan dos “mision strategico” principal, “cual ta, prome descurasha guera y di dos tuma e iniciativa den guera.”
