E proximo capitulo di Kim Kardashian ta cuminsa awo. E strea di reality a entrega documentonan solicitando divorcio di Kanye West ayera, dia 19 di februari, segun E!News ta confirma.
Kim a solicita custodia legal y fisico conhunto di nan yiunan.
E desaroyo aki ta yega despues cu un fuente a bisa E! News cu nan relacion efectivamente a yega su punto final despues di varios luna di problemanan priva.
Kimye, kende a papia publicamente di nan relacion na april 2012 y a casa na mei 2014, ta comparti cuatro yiu hunto, North West (7 aña), Saint West (5), Chicago West (3) y Psalm West di 20 luna.
Kim, di 40 aña di edad, a retrasa e entrega oficial di documentonan di divorcio pa motibo di preocupacion pa su yiunan. “E tabata kier sigura cu e ta tumando e decision corecto pa e muchanan”, e fuente a splica E!News. “No ta bay pa e matrimonio mas, e semper lo stima Kanye pero cos a caba entre nan”, segun e fuente. “Kim ta enfoca solamente riba loke ta miho pa e muchanan.”
Sinembargo, pa februari, Kim y Kanye a stop di comunica y el a muda di nan cas. Durante ultimo lunanan, e bidanan separa di e pareha a cuminsa tuma forma mientras e strea di hip-hop a keda na su rancho na Wyoming permanentemente mientras Kim a continua bibando na Los Angeles.
Sinembargo, den centro di nan relacion a keda e muchanan. “Ainda nan ta un famia y nan ta bin hunto pa e muchanan.”
Kim y Kanye a casa den un ceremonia luhoso na Florencia apenas seis aña atras.
