Dialuna marduga unidad di bombero y polis cu urgencia a presenta na e kioskonan dilanti waf na Playa pabou di Arubus, unda tabatin huma ta saliendo for di un di nan. Na yegada di autoridad a constata cu di berdad huma ta sali for di un di e kioskonan. E huma a sigui crece cu ta indica cu e candela ta birando grandi. Bomberonan a logra kibra e candal pa asina habri e porta y logra domina e candela.
