(AP) – Un dia comun na lama a bira un ocasion special pa Kourtney Kardashian, ken a ricibi e proposicion di matrimonio di su pareha Travis Barker, ken ta drummer di e banda Blink-182 y awo su prometido.
Kardashian a publica dos potret riba e red social di Instagram di e proposicion cu e mensahe “Forever” (pa semper). Un representante di e personahe di television y muhe di negoshi a confirma riba diadomingo cu e pareha ta comprometi. Ningun otro detaye a keda confirma ni revela inmediatamente.
E imagennan a demostra un areglo floral y hopi bela na e lama.
Revista People y website di celebridad TMZ a reporta cu Barker a aregla e sorpresa na Montecito, California cual ta den becindario di Santa Barbara.
E lo ta Kardashian su prome matrimonio. E tin 3 yiu cu su ex pareha Scott Disick, mientras cu esaki lo ta Barker su di 3 matrimonio.
E pareha tin varios luna caba den un relacion, demostrando nn afecto pa otro den eventonan publico y den publicacionnan riba Kardashian su pagina di Instagram.
