Ayera den oranan di atardi Rescue center di Caribisch Kustwacht a ricibi un melding di central di polis di Boneiro . Famianan di e homber di 67 aña a tuma contacto cu polis pa asina notifica cu e homber a cay den mondi y e no por a lanta. Segun por a compronde e homber a bay den mondi pa asina tira bestia pero a cana oranan largo den un solo cayente y na unda cu e la marea y asina a cay abao. Na momento cu e la cay y a herida su mes e no por a sigui cana. Sinembargo na momento cu e la haya un poco forsa despues e por a lanta y coi e telefon y di e manera aki a yama su famianan y avisa nan cu e ta den mondi di BOKA Onima y cu e mester di yudansa urgente. Despues di e melding Kustwacht a manda e kustwachthelikopter na Boca Onima pa un buskeda y e homber a keda localisa hopi lihe dor di e helicopter y na unda a transporte y despues ambulance mester a hib’e hospital pa asina e hay’e yudansa y tratamento.
