E hoben biyonario famoso pa su linea di makiyahe y e show di ‘reality tv’ di su famia, Kylie Jenner, a join cantidad di otro celebridadnan haciendo un donacion na esfuersonan pa contene y combati coronavirus. E donacion di Jenner lo ser usa pa cumpra centenares di miles di mondmask, face shield, y otro ekipo protectivo pa profesionalnan di salud kende ta traha enfrentando e pandemia.

Dr. Thais Alibadi – kende a atende parto di Stormi – a gradici Jenner pa e donacion ayera, bisando: “Mi a keda sin palabra, mi wowo ta yen di lagrima di alegria y mi curason ta yen di gratitud. Mi a haci un deseo na universo pa trece ekipo protectivo pa nos trahadonan di salud y awe mi soño a bira realidad.”

El a continua gradiciendo Kylie pa yuda trahadonan di emergencia y ICU, bisando ‘bo ta mi heroe. E donacion generoso aki lo yuda salba hopi bida precioso. Mi stima bo asina hopi’.

Kylie ta join un lista cada bes mas grandi di celebridadnan haciendo donancion na e esfuerso: Arnold Schwarzenegger tambe a duna $1 miyon, y companianan manera Apple y Yelp tambe a priminti mondmask y placa pa e lucha.

Kylie tambe tabata un di e prome celebridadnan pa usa su plataforma pa urgi fanaticonan pa keda cas y cuarentena. Surgeon General a suplica Kylie, Kevin Durant y otronan riba television como un manera pa yega na un audiencia mas hoben. Solamente riba Instagram, Kylie tin 167 miyon siguido.

LEAVE A REPLY

Please enter your comment!
Please enter your name here