Prins Charles di Reino Uni, actornan Idris Elba y Tom Hanks ta entre e celebridad- y famosonan cu a contrae e novel coronavirus, of COVID-19. Aki bou, un bista di algun di nos celebridadnan faborito luchando contra e malesa.

Prins Charles

E heredero na e trono Britanico a test positivo pa novel coronavirus, su oficina a bisa ayera, dia 25 di maart. E prins di 71 aña di edad ta mustrando sintomanan leve di COVID-19 y ta den isolacion propio na un propiedad real na Escocia, su oficina na Clarence House a bisa, agregando cu su esposa Camilla, di 72 aña, a test negativo. E oficina a bisa cu no ta posibel pa sa for di ken e prins a haya e virus, mirando e cantidad di deber publico cu el a efectua den su rol como prins den ultimo simannan, segun e declaracion.

Dia 10 di maart ultimo, Charles a atende un reunion cu prins Albert II di Monaco, kende recientemente tambe a test positivo. Maske no ta kere cu Charles a duna man na Albert durante e cumbre Water Aid na London e dia en cuestion.

Tom Hanks y Rita Wilson

Hanks y Wilson tabata e prome super famosonan pa contrae e virus. Hanks a comparti un declaracion oficial riba su rednan social dia 11 di maart ultimo, bisando: “Rita y ami ta aki na Australia. Nos ta sinti un tiki cansa, manera nos tin grip, y tiki dolor di curpa. Pa haci cos drechi, manera mester actualmente den mundo, nos a haci test di coronavirus y a haya cu nos ta positivo.”

Harvey Weinstein

Productor di pelicula desgracia, Harvey Weinstein, kende ta sirbiendo un castigo di prison pa abuso sexual y violacion, a test positivo pa coronavirus dia 22 di maart, segun cabesante di e sindicato di oficialnan di correctivonan estatal. Despues di su sentencia, Weinstein, di 68 aña di edad a pasa un tempo na Bellevue Hospital na Manhattan pa problema cardiaco, segun su vocero, Juda engelmayer. E tambe tin otro problema medico, manera diabetes y presion halto.

Idris Elba y Sabrina Dhowre

Elba a revela cu el a test positivo pa coronavirus dia 16 di maart, compartiendo e noticia cu su fanaticonan riba Twitter. “Mi ta sinti ok, mi no tin sintoma te awo, pero mi ta isola desde cu mi a haya sa di mi posibel contacto cu e virus”, el a bisa. “Keda cas y ta pragmatico.” Un siman despues, su esposa Canades tambe a test positivo pa COVID-19.

Kevin Durant

Atleta di Brooklyn Nets, Durant a test positivo pa COVID-19. Un reportero senior di NBA pa The Atantic a tweet: “Durant ta bisa cu e ta sinti bon. Tur hende, cuida bo mes, ta cuidadoso y keda cas.”

Plácido Domingo

Strea di opera, Placido domingo a anuncia riba su pagina di Facebook ayera cu el a test positivo pa covid-19. El a bisa cu e ta sinti ta su deber moral pa haci e anuncio, y cu su famia tambe ta den cuarentena.

El a curasha su fanaticonan pa tuma tur precaucion necesario, manera laba man y keda cas.

LEAVE A REPLY

Please enter your comment!
Please enter your name here