ORANJESTAD – Recientemente e atleta di landamento artistico Kyra Hoevertsz, a gana medaya di oro den solo na US National Championship 2019 na San Antonio, Texas.
Diahuebs ultimo Kyra a inicia, Collegiate Nationals cu ta un competencia di tur e scolnan di synchro. Kyra cu su team a logra yega final cu den Trio a sali na di 5 luga, duet na di 4 luga, elements di 5 y solo di 4. Diadomingo Kyra a landa den e US Nationals unda tur college y club di Merka a competi y aki Kyra ta logra gana medaya di oro den e evento di solo pa Aruba. Esaki ta segun e fuente 297 Sports.
