Dialuna marduga autoridad a keda informa cu e alarma na Kooyman ariba Avenida Watty Vos a activa y patrol a mira movecion straño. Polis a drenta paden hunto cu e persona encarga cu e luga pa un control. A constata via dak nan a drenta y a uza un strategia completo pa yega ariba na e dak. Uzando cabuya pa baha y mas cos. Tabata un operacion grandi cu ta duna indicacion cu ta un grupo di algun persona cu a haci esaki. Polis a tene un listramento profundo den e luga. Cu ayudo di brandweer a bay den halto pa controla ariba di e dak pa wak unda e ladronnan a kibra drenta.
