Dialuna mainta Polis a start cu un persecucion tras di un kia sportage V-966 cu ora a mira Polis altura di Mc Donald na Palm Beach a pasa luz cora tur cu tin. E polis a bay tras di e vehiculo cu zwaailight y sirena pa para e chauffeur wak kico ta su problema, pero a nenga di para pa e oficialnan. E manera con nan tabata core tabata trece tanto nan y otro nan bida den peliger. Di biaha a solicita resfuerso policial y a sigui core tras di e auto y na rotonde na Hato e chauffeur a perde control y bolter cu e vehiculo den e rooi. A bay over pa detene e personanan un total di 5 perona, 3 masculino y 2 femenino. Durante e persecucion e personanan tabata benta gran cantidad di biyentenan for di e auto probablemente mas cos.
Polis a logra tuma un cantidad den beslag, investigacion lo determina si e caso aki lo tin algo di haber cu e crimen recien na Jaburibari.
