Minister di Husticia, Andin Bikker a informa cu na 2020 lo bay haya un evaluacion pa e leynan regulando e forma con Aruba ta preveni y combati labamento di placa, si tin un procedencia ilicito. Esaki ta un di e leynan mediante cual por haya un miho control riba weganan di suerte, weganan cu tin aspecto di suerte cu basicamente e persona por gana un premio- of tambe casinonan.
Bikker a bisa cu e ley cu a origina na 2009, na 2014 a wordo actualisa y aworaki ta den Parlamento pa su introduccion den cuadro di obligacionnan pa Financial Action Task Force (FATF) y e ley primordialmente ta pa actualisa tur e leynan.
Esaki, Bikker a anuncia cu ta un ley cu ta den concepto desde 2009, pero a bin cu un percepcion eroneo di banda di personanan cu ta traha na Casinowezen, cu door di e ley aki nan lo wordo afecta y en todo caso, Bikker a garantisa cu tur hende su cupo di trabou ta garantisa.
El a señala cu tin prohibicion pa hende cu ta traha den casinowezen den cuadro di e ley aki. Tambe a informa cu diahuebs awor den oranan di atardi ta organisando un reunion cu tur empleadonan cu ta traha na casinowezen, pa un anochi di informacion pa splica nan cu nan trabou ta sigura.
Bikker a manifesta na Bon Dia Aruba cu loke a constata ta cu control riba esunnan cu tin permiso pa opera cu weganan di chens, cu por ta casino, Lotto pa Deporte, diferente otro tipo di proveedor cu un persona cu un suma di placa por gana un premio, a base di codigo di leynan internacional, ta bin recomendacion pa actualisa e leynan pa tin un miho bista y control.
E control ey ta pa ta den forma di un ‘gaming board’ cu Corsou a conoce caba y cu Aruba ta bay introduci esaki.
Di mesun manera, Bikker a detaya cu na 2020 lo bay haya un evaluacion di con leu Aruba ta cu su leynan pa preveni y combati labamento di placa. Un di e recomendacionnan di esaki ta cu Gobierno mester actualisa e ley di supervision di persona cu tin licencia pa ofrece weganan di chens.
Den e cuadro aki, e supervision lo wordo optimalisa den e concepto di ley. Bikker a bisa cu por keda mantene e sistema pa preveni cu hende lo cay den adiccion pa weganan y cu por keda controla e aspecto aki.
