Partido Curpa a alerta den pasado cu mundo lo drenta den un recesion y nos por mira awe e realidad. Na aña 2008 tabata tin un recesion y hopi hende a perde placa den Stanford. Nos por corda tambe cu aki na Aruba APFA a perde basta miyon den stockmarket.

Awe den 2023 nos por a sigui noticia na USA cu 3 banco a crash. Un di e banconan di mas grandi esta Silicon Valley Bank a crash dia 11 di maart 2023 y nos por a lesa cu 4 ehecutivo a bende den luna den februari 2023 87% di nan shares. E cos aki ta casualidad? Tur trading di stock market a para pasobra tur cos ta den cora. Esaki ta un señal cu economia mundial poco poco pero sigur a cuminsa cay den otro. Imagina bo cu bo ta riba un vakantie y cu bo no tin placa cash cu bo. Banconan rond mundo a collapse y ningun mashin di ATM ta funciona. Kico lo bo haci? Con lo bo reacciona? Turismo lo bay baha pa motibo di inseguridad. Kico lo para di aerolineanan?

Durante un conferencia World Economic Forum a manda un señal cu lo bay tin hackers activo durante luna di maart, april y mei 2023. E organisacion aki ta esun cu ta dirigi paisnan rond mundo, entre otro Hulanda. Madre patria Hulanda lo tin eleccion dia 15 di maart 2023 y ban spera cu e comunistanan no hack e machinan di vota manera a pasa den diferente pais. Si e comunistanan no comete fraude den e eleccion, lo tin cambio sigur. Tur cos ta mustra cu coalicion lo bay haya un derota. Mas cu 80% di e Hulandesnan ta malcontento cu e gobierno di Rutte.

Un termino cu a surgi recientemente ta “The Great Reset”. Un mensahe cu ta adverti cu nos mester para keto y trata di compronde kico ta e plan maligno su tras. Esaki e plan pa benta economia mundial abao pa asina introduci e moneda digital. Si bo no tin cash ta hopi mas facil pa bo por wordo controla. Cada bes cu bo swipe nan sa unda bo ta y si bo ta contra e comunistanan ta mas facil pa blokia bo cuenta. Pareu cu introduccion di e moneda digital lo introduci e paspoort digital. E ser humano ta perde tur su privacidad y ta bira un obheto cu lo perde su libertad. Bo no por bisa nada pasobra bo ta wordo censura. Esaki ta locual cu a pasa ora cu nos prome minister a firma e acuerdo dia 17 di December 2020 di ComonTrust Network di Work Economic Forum. Nos prome minister a bende nos Status Aparte y nos pueblo lo perde su libertad.

Pueblo di Aruba nos ta drentando e tormenta perfecto y nos isla di Aruba no ta prepara p’e. Aruba ta un isla chikito y nos lo bay sinti e efecto aki sigur e lunanan nos dilanti. E efecto lo por bay ta hopi duro y nos pueblo di Aruba no ta prepara p’e. Nos di partido Curpa a expresa hopi biaha cu nos no ta compronde cu den nos Parlamento tin parlamentarionan sinta cu ta bisa di ta Cristian y cu no conoce e contract di Eagle LNG y toch ta defende. Mientras cu tin e metanan di desaroyo sostenibel cu por a sigui tur caminda y cu tin un agenda anticristian y nos parlamentarionan aki ta sigui sostene un gobierno cu kier libertad di nos pueblo. Nos ta un partido politico cu fundeshi Cristian y e unico partido politico cu lo sigui lucha pa e nucleo familiar.