Pueblo di Aruba e golpi financiero ta na caminda paso esaki ta e meta di e World Economic Forum. Merca a drenta un reces y pronto Union Europeo tambe lo drenta den un reces. Stock marketnan lo cuminsa crash. Esaki lo tin un domino effect. Tur pais lo sinti’e y a nos cu ta un isla chiquito tambe lo bay sinti’e pio.

E agenda 2030 ta un agenda globalista pa tuma poder y pusha e mundo den un solo direccion. Partido CURPA ta di opinion cu no ta nada straño cu acuerdo di gobernacion di e gobierno aki a wordo firma na toren di Hudishibana na Westpunt.

Pakico pa basta tempo no a recluta sanger fresco den nos cuerpo policial? Esaki tambe tin di haci cu e agenda 2030. E agenda aki tanto partido MEP y partido AVP tin’e y partido Raiz tambe a join. Nos por mira cu Saba, Sint Eustatius y Boneiro ta bao di dominio caba di e Hulandesnan. A keda falta Sint Maarten, Curacao y Aruba. Nos por mira cu 29 marechaussee mas lo bin traha aki na Aruba.

E diabierna scur 13 di November 2020 cu a firma e “coho” nos prome minister a firma pa e hulandesnan tuma Aruba den nan poder. “ARUBA TAKE OVER” a cuminsa pero nos tin un noticia pa pueblo di Aruba. Nos di partido CURPA a wordo funda netamente pa lucha contra e plan maligno di nos gobernantenan cu pone nos den e posicion cu nos ta y nos lo bataya te na final pa salba nos Aruba dushi tera.

Rond di mundo tin protesta contra di e agenda 2030 y situacion ta empeora cada dia mas y mas. Un escasez di cuminda lo bay tin rond di mundo. Na Merca y Gran Britania esunnan di e agenda 2030 ta paga agricultornan pa destrui nan cosecha pa crea escasez. Mas cu 100 fabrica cu ta procesa cuminda a wordo pega na candela. Nos no ta tende nada paso e medidanan cumpra no ta publica e noticianan aki. Cambio climatico ta un otro fantasia crea pa Nacionnan Uni y awor nos por mira cu Europa lo paga un prijs caro. Ta hende deliberadamente ta pega mondi na candela pa bisa cu e cambio di temperatura ta ocasiona incendionan aki. Nos por mira medionan ta keda keto atrobe y no ta publica nada.

Pakico e boeren ta protesta na Hulanda? Pakico mas pais den Europa y rond mundo ta den protesta? No ta un secreto publico cu minpres Rutte y gabinete ta alumno di e World Economic Forum cu ta tin e lema: lo bo no tin nada y lo bo ta feliz. Gobierno hulandes a bin cu un projecto di ley pa baha e stikstof cu ta sali di e mest di e animalnan drasticamente. Esey kiermeen cu mester obliga e boerderijnan na Hulanda cera nan portanan. P’esey e boeren nan tin e lema” Geen boeren geen eten”. Tin un minister hulandes cu su swa a caba di habri un supermarket online cu yama Picnic cu a wordo subsidia pa Bill Gates cu 600 miyon di dolar.

Fruta sin simia y carni sintetico e globalistanan kier pa pueblo come y asina bo no tin nada mas di bisa. Pronto pueblo lo tende cu bo no por cria ningun bestia mas pa come, bo no por pisca mas. Nos por corda den tempo di Pandemia nan kier a prohibi pueblo di pisca na baranca y lo bo no tin fruta mas paso tur fruta lo wordo manipula y nan lo ta sin simia.

Pueblo di Aruba esaki ta e realidad cu nos ta aden y nos mester prepara pa locual cu lo bay bati na nos porta. Situacion mundial lo empeora y pa nos un isla chikito esey lo ta sigur mas aun cu nos no ta produci nos propio cuminda y ta depende di exterior. E agenda 2030 ta un agenda satanico y p’esey nos por mira con partido politiconan ta vota pa leynan di hende.

LEAVE A REPLY

Please enter your comment!
Please enter your name here